Entèlijans Atifisyèl (IA) ap transfòme fason nou viv, travay, e menm kominike. Men pou konprann teknoloji konplike sa a, li kapab difisil pafwa. Se poutèt sa TekTek te pwodui yon seri kat (4) videyo ki disponib sou YouTube pou ede w konprann pi byen IA. Videyo sa yo se yon entwodiksyon konplè pou nenpòt moun ki vle konprann fonksyonman IA, aplikasyon li yo, ak defi li prezante pou lavni.
1. Ki Jan IA Ap Fè Pati Lavi Chak Jou Nou
Nan dezyèm videyo sa a, nou montre kouman IA ap chanje plizyè aspè nan lavi nou chak jou, pafwa san menm nou pa reyalize sa. Videyo sa a montre zouti nou itilize chak jou epi ki baze sou IA.
2. Konprann Fondasyon Entèlijans Atifisyèl
Nan premye videyo sa a, nou esplike kisa entèlijans atifisyèl ye an detay. Yo pale sou sous li, evolisyon li, ak konsèp kle tankou “machine learning” ak “deep learning” nan yon fason senp pou tout moun ka konprann.
3. Defi Etik Entèlijans Atifisyèl : Èske Nou Gen Kontwòl?
Twazyèm epizòd sa a antre nan gwo kesyon etik yo ki antoure IA. Epizòd sa a egzamine risk yo, opòtinite yo, ak gwo diskisyon ki genyen sou fason pou regle teknoloji sa a. Li esansyèl pou moun ki enterese nan enpak sosyal IA.
4. Avni IA : Ki Sa K’ap Vini Pou Teknoloji Sa a?
Nan katriyèm videyo sa a, TekTek analize avni IA. Kisa IA pral fè pou ane k’ap vini yo? Ki sektè k’ap plis touche? Epizòd sa a montre gwo chanjman teknolojik k’ap vini.
Poukisa Ou Dwe Gade Emisyon Sa Yo?
Kat emisyon sa yo pa sèlman edikatif, men yo aksesib pou tout moun. Kit ou se yon debutan oswa yon moun ki deja konnen sou IA, TekTek fè konsèp sa a pi fasil pou konprann ak enteresan pou suiv. Si ou vle konnen plis sou sa k’ap vin chanje mond lan, videyo sa yo se yon resous enpòtan.
Pa rate opòtinite sa a pou plonje nan mond entèlijans atifisyèl la. Pou plis enfòmasyon ak diskisyon, rantre nan kominote TekTek la sou WhatsApp epi kontinye eksplore posiblite san limit teknoloji a!
Lyen Videyo yo :
Swiv tou tout nouvo videyo Teknolojik sou 01TekTek.com!
