Entelijans atifisyèl (IA), yon teknoloji ki toujou ap fè nou revè, kounye a fè anpil kreyatè li yo pè. Fondatè IA a, tankou Geoffrey Hinton ak Yoshua Bengio, ap montre kè sote yo jodi a. Yo krenn ke teknoloji revolisyonè sa a, ki sanble san limit, ka rive yon pwen kote li pap ka kontwole pa moun ankò. Nan yon mond kote IA ap devlope pi rapid chak jou, sa yo ki pi byen konprann li ap lanse yon avètisman pou kominote entènasyonal la sou danje ki mache ak yon entèlijans yon lè ki ta ka depase moun.
Depi premye dekouvèt fondamantal yo, IA ap fè gwo pwogrè gras ak travay de gran chèchè. Geoffrey Hinton, youn nan pionye nan kreyasyon rezo neral yo, te jwe yon wòl esansyèl nan devlopman sistèm aprantisaj sa a. Sistèm sa yo, kounye a tout kote, soti nan rekonesans vwa pou rive nan analiz imaj, fonksyone tankou sèvo moun paskel ka rezoud pwoblèm ki konplike anpil. Men, Hinton, ki te konn ap pwomouvwa pwogrè sa yo, kounye a gen gwo dout. Li panse ke IA pa trò lontan ta ka depase kapasite moun , sa ki ka mennen nan yon sitiyasyon kote moun pèdi kontwòl sou pwòp kreyasyon li yo.
Yoshua Bengio, yon lòt gwo potorik gason nan domèn entèlijans atifisyèl, pataje menm kè sote sa. Pou li, si IA pote anpil benefis, li gen gwo risk tou si nou pa mete kad ki strik pou kontwole li. Bengio kwè ke gen yon nesesite pou regle teknoloji sa a rapidman nan nivo entènasyonal, sinon nou ka wè kèk derive ki pap ka kontwole.
Danje si nou pa rive kontwole yon Teknoloji.
Nan kè pwoblèm sa a, se kesyon kontwòl ki poze. Entelijans atifisyèl, ki toujou ap evolye, vin pi endepandan chak jou, epi li ka pran desizyon san entèvansyon dirèk moun. Fenomèn sa, ke yo rele “entelijans atifisyèl jeneral”, fè moun pè ke yon jou, machin yo pa sèlman fè travay pi byen pase moun, men yo ka menm pran desizyon ki pa mache ak volonte moun ankò.
Sa pa yon sèn fim syans fiksyon. Ekspè yo pè ke yon IA ta ka pran desizyon nou pat atann, epi sa ta ka gen konsekans grav. Imajine yon IA k ap jere enfrastrikti kritik tankou rezo elektrik oswa sistèm transpò. Yon erè, oswa yon move desizyon ki fèt san ke moun pa prevwa l, ka pote katastwòf. Se pa sèlman yon kesyon teknik kote kontwòl pèdi, men se yon gwo pwoblèm filozofik: èske nou kreye yon sistèm ki ka yon jou pran wout ki diferan de sa moun vle?
Tan ap pase li ka trò ta pou eete Regilasyon
Bengio ak Hinton, ansanm ak anpil lòt ekspè nan IA, ap mande gouvènman yo pou pran mezi rapid epi mete anplas règleman pou kontwole teknoloji sa a. Pwoblèm nan grav: si nou pa kontwole IA a, li ka vin yon zouti siveyans oswa yon zam nan men rejim otoritè yo. Chèchè sa yo ap mande pou mete kad etik ak regilasyon, pou evite ke IA vin yon pwoblèm ke moun pa ka rezoud.
Bengio fè nou sonje ke gen deja egzanp kote IA itilize mal. Soti nan entèferans nan pwosesis elektoral, manipilasyon opinyon piblik ak algoritm ki kreye fo enfòmasyon, rive nan siveyans moun a yon nivo san parèy, nou deja wè premye siy danje yo.
Fas a tout menas sa yo, kominote syantifik la ak gouvènman yo gen yon wout klè pou pran. Li enpòtan pou nou deside kounye a yon kad etik ki klè pou IA. Kad sa dwe ankouraje inovasyon pandan l ap asire ke sistèm IA yo rete anba kontwòl moun epi sèvi ak bon enterè sosyete a, olye yo tounen yon menas.
Youn nan premye defi yo se kreye estanda entènasyonal pou regilasyon. Kreyasyon yon òganizasyon mondyal ki la pou kontwole ak reglemante itilizasyon entelijans atifisyèl ta ka yon premye etap. Men sa mande tou pou reflechi sou fason pou rann sistèm IA yo pi transparan, pou eksplike desizyon yo pran, epi mete mekanis kote moun ka entèvni si bagay yo pa mache jan yo te prevwa.
Entelijans atifisyèl la pa sèlman yon zouti teknoloji, li vin fè nou poze gwo kesyon etik. Ki sa sa vle di? Sa vle di pou limanite kreye yon entèlijans ki ka depase li? Kouman n ap asire ke kreyasyon sa a sèvi tout moun, san li pa vire kont nou? Vwa Geoffrey Hinton, Yoshua Bengio, ak lòt ekspè yo sonnen tankou yon avètisman jodi a. Si nou vle ke IA a rete yon sous pwogrè, nou dwe mete tout kondisyon pou evite li tounen yon menas pou sosyete a.
Avni IA a depan de yon balans delika ant inovasyon ak regilasyon. Se devwa nou, kòm sosyete, pou n fè atansyon ak li, pou ke pwomès IA a pa tounen yon kochma pou limanite.
